Судир меѓу полицијата и демонстрантите кои се противат на одлуката на претседателот на Руската Федерација Владимир Путин за делумна мобилизација избувна денеска во Махачкала, главниот град на руската провинција Дагестан.
Како што пренесува Ројтерс, десетици видеа објавени на социјалните мрежи сведочат за судирот меѓу полицијата и демонстрантите кои извикуваа слогани против војната во Украина.
Првата руска воена мобилизација по Втората светска војна, која Путин ја најави во средата, предизвика протести во многу градови низ Русија.
Im Ort #Endirey haben sich die Menschen versammelt, um gegen die #Teilmobilmachung zu protestieren.
Die örtlichen Ordnungskräfte sehen sich genötigt, von der Waffe gebrauch zu machen und feuern über die Köpfe der Menge hinweg.
🇷🇺 ist sowas von kaputt pic.twitter.com/QKumf9Er4D
— Botschaften der Russischen Lügeration (@lugeration) September 25, 2022
Ројтерс оценува дека гневот на јавноста е особено силен во сиромашните региони на етничките малцинства како Дагестан, регион со мнозинско муслиманско население сместен на брегот на Каспиското Море во планинскиот Северен Кавказ, пренесува Танјуг.
Десетици видеа објавени на социјалните мрежи покажаа судири со полицијата во регионалниот главен град Махачкала во неделата, додека демонстрантите извикуваа „не на војната“, додаде Ројтерс.
Британската агенција вели дека не успеала независно да ја потврди автентичноста на снимката, која беше споделена преку социјалните мрежи и прикажана од руски независни медиуми.
Претходно, полицијата испука предупредувачки истрели во воздух, откако десетици демонстранти во село во Дагестан го блокираа главниот пат за да протестираат против официјални лица кои, наводно, повикале повеќе од 100 мажи од селото со 8.000 жители на воена служба.
Ројтерс проценува дека Дагестан веќе платил висока цена за време на овие седум месеци војна.
#Dagestan 💪🏻 “Russia invaded Ukraine!” “We are not blind!” “Russia is now on the foreign territory.” “No to war!” #Russia #OpRussia pic.twitter.com/0QHIBuVhwZ
— Mariia Kramarenko (@KramarenkoMari3) September 25, 2022
Според Би-Би-Си, најмалку 301 војник од Дагестан загинале – најмногу од кој било регион во Русија и 10 пати повеќе од бројот на загинати од Москва, која има пет пати повеќе население.
Руското Министерство за одбрана, кое во средата соопшти дека речиси 6.000 руски војници се убиени од 24 февруари, не ги објави податоците за регионалните жртви, според Ројтерс.
Сите информации поврзани со најновите случувања со војната во Украина можете да ги прочитате ТУКА.