Спасувачките операции за преживеаните од тропскиот циклон Фреди беа започнати во средата во Малави, Мозамбик и Мадагаскар, бидејќи бројот на загинати се искачи на повеќе од 300.
Тоа е една од најсилните бури регистрирани на јужната хемисфера.
Cyclone #Freddy is now the longest-lived tropical cyclone ever recorded WORLDWIDE! It’s trek across the entire Indian Ocean lasting an incredible 32 days, and counting! @weatherchannel pic.twitter.com/JWfsEyBJzT
— Scot Pilié (@ScotPilie_Wx) March 8, 2023
Локалните медиуми објавија дека најмалку 53 лица се убиени во регионот Замбези во Мозамбик.
Во Малави, кој е погоден од силен дожд, најмалку 225 луѓе загинаа, а стотици се повредени. Голем број луѓе исчезнаа.
Детскиот фонд на Обединетите нации (УНИЦЕФ) предупреди дека бројот на смртни случаи во Мозамбик може да се зголеми.
Мозамбичките власти соопштија дека ќе бидат потребни неколку дена за да се утврди степенот на штетата и бројот на жртвите.
Cyclone Freddy, a record-breaking storm that barreled into Malawi over the weekend, brought a deluge of mud and floodwaters that has left nearly 200 people dead. The storm has also killed nearly 50 people in Madagascar and Mozambique.https://t.co/jb6jeCLVFm pic.twitter.com/1rkZHMlpXx
— The New York Times (@nytimes) March 15, 2023
Претседателот на Малави Лазарус Чаквера прогласи 10 региони на југот на земјата за „национални зони на катастрофа“.
Чаквера рече дека повеќе од 80.000 луѓе се раселени.
Светската метеоролошка организација објави дека Фреди, кој првпат се формираше минатиот месец и го погоди Мадагаскар на 21 февруари и Мозамбик три дена подоцна, може да биде најдолготрајниот циклон досега.