Чешка компанија која произведува лажно оружје на надувување, вклучително и ракетни фрлачи ХИМАРС и тенкови Абрамс, објави дека нејзината продажба е зголемена од почетокот на руската инвазија на Украина минатата година.
Мамките направени од синтетичка свила се користат за измамување на противникот на бојното поле, кој го нишани лажното оружје наместо вистинското.
Челниците на компанијата Inflatech одбија да потврдат дали ги продаваат своите производи на Украина, повикувајќи се на воена тајност, но признаа дека производството е зголемено за 100 проценти во последната година.
„Ние ги продаваме нашите производи на голем број влади во светот, не само во Европа“, изјави за новинарите шефот за продажба и маркетинг Повен Кумаресан.
Тој додаде дека околу триесет вработени во Inflatech произведуваат меѓу 30 и 40 такви мамки секој месец.
Произведени десетици лажни ХИМАРСИ
Лажни тенкови, оклопни возила, дури и млазни борци тежат меѓу 25 и 90 килограми и потребни се два до четири лица за да се справат со нив на бојното поле.
Доколку компанијата има прецизни нацрти на оригиналното парче воена опрема, компанијата може да произведе нов дизајн за 72 часа, а ако почне „од нула“ производството може да потрае и до две недели, рече Кумаресан, додавајќи дека по нарачката за испорака на репликата на ракетниот фрлач ХИМАРС беа потребни 60 дена.
Inflatable Decoys of HIMARS and some kind of Main Battle Tank possibly an M1A1 Abrams produced by the Czech Company Inflatech have been Photographed, however their CEO has refused to say if his Decoys are going to Ukraine but that Sale are indeed up almost 30% since last year. pic.twitter.com/W3gc2CY7ln
— OSINTdefender (@sentdefender) March 7, 2023
Инфлатек досега има произведено десетици лажни ХИМАРСИ.
Производите на оваа компанија се сметаат за воена опрема и нивното производство мора да биде одобрено од владините органи.
Чешката влада минатиот месец објави дека од почетокот на руската инвазија на 24 февруари 2022 година, испратила воена помош во Украина во вредност од приближно половина милијарда долари.
„Од 200 метри не можете да ја видите разликата“
Извршниот менаџер на Inflatech, Vojtech Fresser, рече дека една од клучните карактеристики на производите е нивниот изглед, верен на оригиналот.
„Ако немам двоглед, нема да можам да кажам од далечина од 150-200 метри дали е вистинско оружје или мамка“, рече тој.
Во исто време, моторот што се користи за надувување зрачи топлина, што може да ги измами непријателските инфрацрвени сензори.
Фресер објасни дека поединечните мамки чинат помеѓу 10.000 и 100.000 долари, што е многу помалку од цената на проектилите потребни за нивно уништување.
„Ако го принудам непријателот да го уништи мојот производ со нешто што е најмалку четири пати поскапо, а во пракса дури и 20 пати поскапо, тогаш победувам во економска смисла“, рече Фресер.
Кумаресан рече дека компанијата постојано ги надградува своите производи и размислува да ги направи мамките мобилни во иднина.
„Попрво би правел играчки, но…
Inflatech, кој првично ги создаде мамките за воена обука, произведува играчки или модели според желбите на клиентите.
„Ние правиме производи во согласност со специфичните потреби на клиентите. Ние не сме е-продавница каде што можете да изберете”, рече Фресер.
The Decoys by Inflatech are extremely easy and quick to set-up and transport while also using a series of Reflectors and False Thermal Signals in an attempt to fool “Hostile” Artillery or Aircraft into targeting these Inflatables instead of actual Military Equipment. pic.twitter.com/xlA6imrjYE
— OSINTdefender (@sentdefender) March 7, 2023
Тој додаде дека „нема ограничување“ за производство или опсег на производи и дека компанијата очекува забрзан раст во следните три години.
„Се разбира, повеќе би сакал да произведувам играчки за деца, но прво треба да им гарантираме живот во безбеден свет“, нагласи Фресер.