Брнабиќ: Србија не е неутрална во однос на војната во Украина

Сподели со своите пријатели

Премиерката на Србија, Ана Брнабиќ, вели дека на средба со претставници на јапонските власти во Токио го објаснила ставот на Србија и зошто не воведува санкции кон Русија поради инвазијата на Украина.

Loading...

Брнабиќ изјави дека Србија не е неутрална и дека ја осудува агресијата врз Украина.

Таа додаде дека јапонските политичари не вршат притисок како европските, туку дека се заинтересирани да слушнат каков е ставот на Србија, пишува N1 Србија.

„Ние не сме неутрални по ова прашање, нашиот став е целосно јасен, се приклучивме на резолуциите на ОН и на декларациите на ЕУ, каде што ја осудивме агресијата врз Украина. Нашето Министерство за надворешни работи соопшти дека нема да ги признаеме резултатите од референдумот. Единствената разлика е што ние не сме и не сакаме да воведуваме санкции кон Русија, имаме добро објаснети причини за тоа“, изјави Брнабиќ за српските новинари во Токио.

Брнабиќ вели дека нејзината средба со јапонскиот премиер поминала добро и дека ќе ја искористи за градење политички и економски врски на Србија со Јапонија, пренесува N1 Србија.

Сите информации поврзани со најновите случувања со војната во Украина можете да ги прочитате ТУКА.