Воените лидери на Гвинеја ја распуштија владата без објаснување, велејќи дека ќе назначат нова, изјави генералниот секретар на претседателот Амаре Камара.
Тој во синоќешното видео обраќање додаде дека секојдневната работа ќе продолжи вообичаено со замениците генерални секретари на чело до формирање на нова влада.
Ибрахима Сори Бангура, началникот на Генералштабот на вооружените сили на Гвинеја, во понеделникот рече дека членовите на распуштената влада мора да ги вратат своите возила и пасоши што е можно поскоро.
Нивните телохранители, исто така, мораа да бидат суспендирани, а банкарските сметки на министрите беа замрзнати, додаде Бангура.
Оваа западноафриканска нација е предводена од воен режим откако претседателот Алфа Конде беше соборен со државен удар во 2021 година, пренесува АП.
Западноафриканскиот регионален блок познат како ECOWAS се заложи за брза транзиција назад кон цивилно владеење и изборите се закажани за 2025 година.