Деветдневен топлотен бран го погоди северниот врв на Антарктикот овој месец. Новите фотографии објавени од НАСА откриваат дека во тој период една петина од снегот се стопила на островот Орел, сместен на Антарктичкиот полуостров, јавува Си-Ен-Ен.
Фотографиите го прикажуваат островот пред и по топлотниот бран што го погоди, па сега се видливи големи површински од земјата, а топењето на мразот создаде езера.
10 држави кои наскоро можеби нема да постојат
Антарктикот, исто така, забележа рекордни температури од 18,2 степени Целзиусови овој месец, а дури 10 сантиметри снег на островот Игл се стопија за четири недели – околу 20 проценти од вкупната сезонска акумулација на снег.
„Никогаш не сум видел езерата да се движат толку брзо на Антарктикот. Може да се види во Алјаска и Гренланд, но тоа не е честа појава на Антарктикот“, вели Маури Пелто, геолог на колеџот Николс во Масачусетс.
Големата количина вода од полуостровот Антарктик се слева во океанот, а топлотните бранови минатото лето придонесоа најмногу за топењето на мразот и зголемувањето на нивото на морето.
Како би изгледал светот ако се стопи целиот мраз?
Совршени услови за топлотен бран
Наглото топење на мразот, дури и во текот на летото, е многу ретко во Антарктикот, кое е најстуденото место на Земјата.
Деветдневниот топлотен бран е резултат на постојано високите температури, кои не се забележани на овој континент до 21 век и се резултат на глобалниот пораст на температурата.
Пливаше под мразот на Антарктик поради климатските промени (ФОТО)
Овој месец, високиот притисок над Кејп Хорн, кој се наоѓа во чилеанскиот архипелаг Тиера дел Фуего, дозволи топол воздух да се акумулира и да се движи.
Североисточниот дел од Антарктичкиот полуостров најчесто е заштитен од високи температури од силните ветрови што дуваат таму, но тие сега беа невообичаено слаби и не можеа да го сопрат топлиот пробив на воздухот.
Ледените капи на Антарктикот веќе се топат со голема брзина поради топлината заробена во атмосферата поради загадување со штетни гасови.
Земјата пристигна до деветата пресвртна точка: Следуваат огромни климатски промени
Зголемувањето на нивото на морето им се заканува на милиони луѓе кои живеат на брегот, а Антарктикот содржи доволно мраз за да ги покачи нивото на океанот за скоро 61 метар, според проценките на Светската метеоролошка организација.
Just to give you an idea, I have plotted the amount of meltwater reaching ocean from Peninsula as simulated by MAR forced by GFS. Although the absolute numbers need to be confirmed, the recent warm event was well the highest sea level contribution of this summer. https://t.co/kZPfcS2I2U pic.twitter.com/sNQtM8B1yJ
— Xavier Fettweis (@xavierfettweis) February 21, 2020