Американските разузнавачки служби проценуваат дека Иран ги интензивирал активностите насочени против американски дипломати и службеници на Блискиот Исток, но и во други делови од светот.
Според разузнавачките извештаи, некои планови за атентат наводно влегле во напредна фаза.
Директорот на Националната разузнавачка служба на САД, Џеј Клејтон, го предупредил американскиот државен секретар Марко Рубио за можни закани, според Аксиос, кој имал пристап до меморандумот.
Документот ја истакнува потребата од споделување информации со поширок круг американски службеници со цел навремено да се предупредат луѓето кои би можеле да бидат изложени на ризик.
Мемондумот не е класифициран како доверлив и не наведува конкретни цели, локации надвор од Блискиот Исток или детали за можни операции.
Американските службеници наведуваат дека проценките на разузнавањето се една од причините зошто Стејт департментот го намалува бројот на вработени во одредени дипломатски мисии на Блискиот Исток.
Овие мерки се преземаат во време на зголемени стравувања од ширење на регионален конфликт.
Порано во текот на неделата, на членовите на семејствата на американските дипломати, како и на несуштинскиот персонал, им беше наредено да ја напуштат амбасадата во Ријад и конзулатите во Џеда и Дахран.
Еден ден подоцна, слична одлука беше донесена и за дел од американскиот дипломатски и владин персонал во Обединетите Арапски Емирати, Либан, Катар и Јордан.
Дополнителна на загриженоста е можноста бунтовниците Хути во Јемен, поддржани од Иран, да ги прошират своите напади надвор од Саудиска Арабија и да ги таргетираат другите земји во регионот.
Безбедносните тензии се дополнително зголемени од можноста САД и Израел да продолжат со воена акција против Иран по среднорочните избори во САД.
Претседателот на САД, Доналд Трамп, на состанокот во Флорида изјави дека Вашингтон ја разгледува можноста за нова воена операција против Иран, како и за постигнување договор со Техеран.
„Можеби ќе направиме уште една мала операција „Епски бес“ или тие ќе се согласат на договор“, рече Трамп, додавајќи дека се сомнева дека иранската страна ќе прифати таков договор.
Неговата изјава доаѓа во време на зголемени безбедносни предупредувања и дипломатски мерки, бидејќи американските власти се стремат да ги намалат ризиците за нивниот персонал во регионот.