САД ќе сторат сè што треба за да обезбедат „гаранции“ дека можат да се заштитат себеси и своите сојузници, изјави портпаролот на Белата куќа за национална безбедност Џон Кирби.
Тој го кажа ова пред новинарите во Белата куќа, одговарајќи на прашањето дали САД веруваат дека Пјонгјанг навистина има способност да ги нападне САД, пренесе Јонхап, пренесува Танјуг.
„Ќе го направиме она што треба да го направиме за да се увериме дека можеме да ги заштитиме САД…да ги заштитиме нашите сојузници и партнери“, рече Кирби.
Според него, американскиот претседател Џозеф Бајден посветил повеќе внимание на регионот и навистина напорно работел со своите колеги во Јапонија и Јужна Кореја, особено на трилатералната одбранбена соработка.
Кирби, исто така, истакна дека Северна Кореја постојано бара подобрени капацитети за оружје.
Одговарајќи на прашање за можноста Северна Кореја да направи провокативни потези кои би влијаеле на претседателските избори во САД, Кирби ја нагласи „будноста на Соединетите Американски Држави“.
Ниту еден странски актери, државен или недржавен, не треба да се меша во нашиот изборен период“, рече Кирби.
Според него, САД ќе бидат внимателни во овој изборен циклус како и во минатото, за да направат се што можат за да ги идентификуваат и спречат сите обиди за мешање во изборите.
Сите информации поврзани со најновите случувања во Северна Кореја можете да ги прочитате ТУКА.