Координаторот на ОН за вонредни состојби Мартин Грифитс изјави дека речиси 8 милиони луѓе ја напуштиле Украина од почетокот на конфликтот пред речиси една година.
Речиси 8 милиони луѓе ја напуштија Украина во соседните земји, а 5,3 милиони се внатрешно раселени, изјави Грифитс пред Советот за безбедност на ОН во Њујорк во понеделникот.
Шефот на Канцеларијата на Обединетите нации за координација на хуманитарни прашања (OCHA) рече дека 17,6 милиони луѓе, или близу 40 отсто од населението на Украина, имаат потреба од хуманитарна помош.
Грифитс рече дека има намера да го претстави овогодинешниот план за хуманитарен одговор за Украина, за кој се потребни околу 3,9 милијарди долари, во Женева подоцна овој месец.
„Нема знаци дека насилството се намалува“, рече тој.
Повеќе од 7.000 цивили загинале откако Русија ја започна инвазијата на Украина на 24 февруари 2022 година, според официјалните податоци на ОН.
„Вистинските бројки се секако поголеми“, рече Грифитс.
Според агенцијата за бегалци на ОН УНХЦР, војната на Русија со Украина предизвика најголемо движење на бегалци од Втората светска војна.
Сите информации поврзани со најновите случувања со војната во Украина можете да ги прочитате ТУКА.