Изменет сообраќаен режим ќе има утре во Куманово поради одржувањето на традиционалната трка „Born 2 Run – Спортот нѐ поврзува“.
Привремено ограничување на сообраќајот ќе има на делови од улиците „Гоце Делчев“, „III МУБ“, „Железничка“, „Октомвриска Револуција“ и „Доне Божинов“.
Организаторите, Центарот за интеркултурен дијалок, ги повикуваат граѓаните да ја почитуваат привремената сообраќајна регулација за безбедно и непречено одвивање на трката.
Осмото издание на „Born 2 Run“ ќе се одржи утре, 31 октомври, со почеток во 12 часот на плоштадот „Нова Југославија“, а учесниците ќе се натпреваруваат на патеките од 3 и 10 километри.
Никола Ивановски