Европскиот комесар за трговија Марош Шефчовиќ предупреди дека, доколку продолжи сегашниот тренд, Европската унија би можела да забележи рекорден трговски дефицит во трговијата со Кина.
Дефицитот достигна речиси 197 милијарди евра во првата половина од оваа година, изјави Шефчовиќ по средбата со министрите на ЕУ во Даблин.
Ако трендот продолжи, тој би можел да го надмине претходниот рекорд од 397 милијарди евра од 2022 година.
Шефчовиќ најави дека Европската комисија ќе работи на нови инструменти за намалување на трговскиот дисбаланс во наредните недели, одговарајќи на барањата на лидерите на ЕУ.
Тој додаде дека претставници на Комисијата ќе се сретнат со кинески претставници следниот месец, додека предлозите за нови мерки за заштита на трговијата се очекуваат во декември, пренесува германската новинска агенција ДПА.