На малиот плоштад „Маршал Тито“ во Куманово засадени се 140 садници јасмин, во рамки на проектот „Урбано раззеленување за поздраво дишење“, информира градоначалникот Максим Димитриевски.
Со акцијата се предвидува уредување на јавниот простор и збогатување на зелените површини, со цел создавање позелена и попријатна животна средина за граѓаните.
Димитриевски упати апел до граѓаните да покажат одговорност и да се грижат за новозасаденото зеленило, нагласувајќи дека неговото зачувување е заедничка обврска.
– Да покажеме одговорност и грижа и заеднички да го зачуваме новото зеленило – зеленилото е наше заедничко богатство, порача Димитриевски.
Никола Ивановски