Сендвичарница вчера наутро била зафатена од пожар во Куманово, при што е нанесена материјална штета.
– На 10.08.2026 во 07:22 часот во СВР Куманово било пријавено дека настанал пожар во угостителски објект на улицата „Борис Кидрич“ во Куманово, сопственост на Т.С.(62) од Куманово, информираат од Секторот за внатрешни работи.
Како што информираат од Регионалниот центар за управување со кризи, на терен интервенирале петмина пожарникари од ТППЕ Куманово во период од 07:20 до 07:50 часот.
Во пожарот нема повредени, но причинета е материјална штета.
Увид извршила екипа од СВР Куманово.
Во меѓувреме утринава околу 05:35 часот пожар избувнал и во населбата Средорек поради запалено ѓубре. Како што информираат од РЦУК, на терен интервенирале четворица пожарникари со две противпожарни возила. Огнот е целосно изгаснат.
Во моментов нема активни пожари во Куманово.
Никола Ивановски