Прославата на матурирањето во Босна и Херцеговина во еден момент се претвори во масовна тепачка, но не меѓу учениците, туку меѓу нивните мајки.
Видеата од инцидентот брзо се проширија на социјалните мрежи, а полицијата мораше да спречи понатамошна ескалација на конфликтот.
Според очевидци, инцидентот се случил за време на матурската вечер во Второто средно училиште „ЈУ“ Цазин, во сабота, 16 мај.
Наводно, сè започнало поради толпата и обидот да се добие место поблиску до црвениот тепих за да можат родителите да ги фотографираат матурантите.
Кавгата набрзо се претворила во физичка пресметка, а родителите и присутните гости се обиделе да ги разделат мајките на учениците.
На крајот, според локалните медиуми, интервенирала и полицијата за да спречи понатамошен конфликт.
Фотографиите и видеата од тепачката набрзо ги преплавија социјалните мрежи, каде што многу корисници го осудија однесувањето на возрасните, со коментари дека свечената прослава на матурирањето е засенета од несоодветното однесување на родителите.
Засега не е познато дали ќе бидат преземени дополнителни мерки против учесниците во инцидентот.
View this post on Instagram