Времето денеска низ Македонија ќе биде облачно со врнежи од дожд во пониските, дожд и снег на повисоките места, а на планините од снег.
Врнежите ќе бидат пообилни во западните делови каде се очекува да наврнат над 15 l/m² воден талог.
На планините висината на снежната покривка ќе се зголеми од 10 до 15 см, велат од Управата за хидрометеоролошки работи.
Во Куманово и околината денеска ќе имаме претежно облачно време со врнежи од дожд, но и услови за краткис ончеви периоди.
Ќе дува слаб до умерено засилен ветер од јужен и југозападен правец.
Утринската температура ќе се движи околу три степени, додека максималната дневна се очекува да достигне 10 степени целзиусови.
Утре низ кумановско ќе имаме облачно време со значителен пад на температурите.
Ќе дува умерен до засилен ветер од северен правец, кој на моменти ќе достигнува брзина и до 50 километри на час.
Температурата во утринските часови ќе се движи околу нулата, а дневниот максимум ќе достигне пет степени целзиусови.
Во недела ќе имаме претежно облачно време со кратки сончеви периоди.
Ќе дува слаб до засилен ветер од северен и североисточен правец кој на моменти ќе достигнува брзина и над 40 километри на час.
Минималната температура ќе се спушти еден степен под нулата, а дневниот максимум се очекува да се искачи до пет степени целзиусови.
Од понеделник се очекува температурен шок и нагло растење на температурите.
Никола Ивановски