Планирано е повеќе од 310.000 парчиња опрема и приближно 21 милион парчиња оружје да бидат испорачани на руската армија во 2026 година, објави денес руското Министерство за одбрана.
Како што е наведено во соопштението на руското Министерство, под водство на рускиот министер за одбрана Андреј Белоусов се одржа состанок за производство и испорака на многу барано оружје, воена и специјална опрема, пренесува ТАСС.
Беа дискутирани прашања поврзани со обезбедувањето на групи на руските вооружени сили во зоната на специјални воени операции, а беа сумирани и резултатите од военото производство и снабдување за јануари, според агенцијата.
„Оваа година се очекува војниците да добијат над 310.000 парчиња опрема и приближно 21 милион парчиња оружје“, објави руското Министерство.
За време на состанокот беа слушнати извештаи од раководителите на организациите од одбранбената индустрија за резултатите од исполнувањето на договорните обврски, беа разгледани проблематични прашања поврзани со нивното спроведување и начини за нивно решавање, пренесува ТАСС, а пренесува Танјуг.