Претседателот на САД, Доналд Трамп, го предупреди Иран дека на континуираните закани за атентат против него, кои ги испраќаат лидерите во Техеран, ќе се одговори со „диснување на таа земја“.
„Па, тие не треба да го прават тоа, но им дадов до знаење. Без разлика што ќе се случи, ние ќе ја дигнеме целата земја во воздух, целата земја ќе биде дигната во воздух. Но, имам многу цврсти инструкции. Без разлика што ќе се случи, тие ќе ги избришат од лицето на оваа земја“, изјави Трамп за News Nation, пренесува „The Hill“.
Трамп претходно рече дека оставил инструкции за САД да го уништат Иран ако таа земја го убие.
„Тие не го направија тоа и би било ужасно за нив да го направат. Не поради мене, ако го стореа тоа, ќе беа збришани. Тоа би бил крајот. Оставив инструкции, ако го сторат тоа, ќе бидат збришани, нема да остане ништо. И, тие не треба да можат да го сторат тоа“, рече Трамп.
Тој предупреди дека напад врз Иран е на маса откако антивладините протести, во кои беа убиени повеќе од 3.300 луѓе, се судрија со иранските безбедносни сили.
Врховниот лидер на Иран, ајатолахот Али Хамнеи, ги обвини САД за заговор против иранската влада и за поддршка на протестите, велејќи дека САД се обидуваат да го „проголтаат Иран“.
„Немаме намера да ја водиме земјата во војна. Сепак, нема само да ги пуштиме криминалците во земјата. Полоши од внатрешните криминалци се меѓународните криминалци! Ниту ние нема да ги пуштиме“, напиша Хамнеи претходно во една од неколкуте објави на социјалната платформа X.
Разузнавачките претставници го информираа Трамп за наводните закани против него за време на претседателската кампања во 2024 година, а поранешниот државен обвинител Мерик Гарланд рече дека заговорот е одмазда за убиството на иранскиот генерал Касем Солејмани во 2020 година за време на првиот мандат на Трамп.