Компанијата Нестле го отпушти генералниот директор од должност по само една година, поради непријавена романтична врска со вработена која му бил подредена.
Швајцарскиот прехранбен гигант Нестле, познат по чоколадните чоколатца Кит Кат и капсулите за кафе Неспресо, објави дека Лоран Фреше е отпуштен од должност по внатрешна истрага предводена од претседателот на компанијата и главниот независен директор.
Би-Би-Си дознава дека истрагата е започната по извештајот направен преку каналот за пријавување на информации на компанијата.
„Оваа одлука беше неопходна. Вредностите и принципите на корпоративното управување се основа на нашата компанија. Му се заблагодарувам на Лоран за неговата посветена работа“, рече Пол Булке, претседател на Управниот одбор на Нестле.
Би-Би-Си дознава дека Лоран Фреше бил отпуштен поради романтична врска со вработена која не била член на извршниот одбор.
Истрагата е започната бидејќи врската претставувала конфликт на интереси, се вели во извештајот.
Покрај претседателот на Управниот одбор, Пол Булке, истрагата ја надгледуваше независниот директор Пабло Исла, поранешен извршен директор на Индитекс, со поддршка на независен надворешен правен советник.
Според „Фајненшл тајмс“, загриженоста за аферата на Фрешет првпат беше покрената претходно оваа година, но внатрешната истрага во тоа време заклучи дека обвинувањата се неосновани.
Сепак, жалбите продолжија, а Нестле започна нова истрага, овој пат со помош на надворешен советник, по што обвинувањата беа потврдени.
„Оваа одлука покажува дека ги сфаќаме сериозно сите тужби и истраги“, рече портпаролот на Несте.
Фрешет е во компанијата речиси 40 години, а беше назначен на позицијата глобален извршен директор во септември минатата година, кога го наследи Марк Шнајдер.
Компанијата соопшти дека нема да добива отпремнина.
Филип Навратил, кој е во компанијата од 2001 година, е назначен за негов наследник.
Пол Булке рече дека оваа промена нема да влијае на стратегијата на компанијата или на нејзините деловни перформанси.
„Не ја менуваме насоката, ниту забавуваме“, додаде тој.
Булке требаше да се повлече од функцијата претседател на одборот следната година, а Пабло Исла беше номиниран за негов наследник.
Нестле не е единствената компанија што се соочи со слични скандали.
Извршниот директор Бернард Луни поднесе оставка откако призна дека не бил целосно отворен и искрен во врска со личните односи на работното место.
Стив Истербрук, поранешен извршен директор на Мекдоналдс, беше отпуштен во 2019 година поради афера со вработена. Подоцна беше откриено дека бил во врска со уште три колешки.
Првично добил пакет отпремнина во вредност од 105 милиони долари, кој подоцна го вратил, а во 2023 година американскиот финансиски регулатор го казнил со 400.000 долари за заведување на инвеститорите.
Истербрук ја плати казната без да признае или негира вина.
Ова лето, случајот на двајца високо рангирани вработени во американската технолошка компанија Астрономер привлече големо внимание.
За време на концертот на Coldplay, двајцата беа снимени на камера и префрлени на големото платно.
Тие ги пееја песните на групата, а кога сфатија дека сите во публиката ги гледаат, брзо се разделија и се скрија од срам.
Се испостави дека станува збор за извршниот директор на компанијата, Енди Бајрон, и раководителката на човечки ресурси, Кристин Кабот. И двајцата беа во брак, но не еден со друг.
Тоа видео потоа беше масовно споделувано на социјалните мрежи, и доведе не само до суспензии на работните места, туку и до најавени разводи.