Израелските одбранбени сили (ИДФ) извршија воздушни напади во неделата на повеќе локации во главниот град на Јемен, Сана, вклучувајќи го и комплексот во кој се наоѓа претседателската палата, како одговор на ракетните напади на Хутите.
Според соопштението на ИДФ на X, „беа погодени воени објекти во кои се наоѓаат претседателската палата, електраните Адар и Хизаз, како и складиште за гориво“.
Здравствените претставници на Хутите објавија дека во нападите загинале најмалку шест лица, додека 86 биле ранети, објави Ројтерс.
Хутите, поддржани од Иран, контролираат голем дел од западен Јемен, вклучувајќи го и главниот град.
Последниот ракетен напад беше извршен во петок, кога Хутите објавија дека испукале нов тип ракета кон аеродромот Бен Гурион.
ИДФ соопшти дека ракетата се распаднала во воздух по неколку обиди да ја пресретнат.
Неименуван функционер на израелските воздухопловни сили изјави за Асошиејтед прес дека станува збор за касетна муниција дизајнирана да распрснува повеќе експлозиви при удар, што го отежнува нејзиното пресретнување.
Службеникот додаде дека повеќе од десет израелски борбени авиони учествувале во нападите во неделата.
Портпаролот на Хутите, Насрудин Амер, изјави за мрежата X дека воздушната одбрана на Хутите пресретнала поголем дел од ракетите и рече дека операциите во поддршка на Газа ќе продолжат сè додека Израел не ја заврши својата воена кампања и блокадата на палестинската енклава.
#Breaking: Massive firework as a result of destruction of a command post of #Houthi terrorists of #Iran‘s Islamic Regime in Sanaa, #Yemen. These terrorists messed with #Israel and the #IsraeliAirForce nicely responded by eliminating their commanders! pic.twitter.com/IXKJxKopSf
— Babak Taghvaee – The Crisis Watch (@BabakTaghvaee1) August 24, 2025