Според Гинисовата книга на рекорди, дваесетгодишниот Афшин Есмаил Гадерзадех е прогласен за најнизок маж на светот.
Тој е висок 65,24 сантиметри, што е речиси седум сантиметри понизок од претходниот рекордер Едвард „Нинџа“ Хернандез (36).
Афшин е роден во зафрлено село во Иран и неговиот живот никогаш не бил лесен. Не можејќи да оди на училиште поради неговата висина, се борел со писменоста. Тој е апсолутно воодушевен што неодамна научил да го пишува своето име.
Куќата во која живее Гинисовиот рекордер е скромна, неговото семејство работи напорно, а понекогаш се мачат да обезбедат доволно за нивните животни трошоци, лекови и лекување.
„Лековите и физичката слабост се главните причини зошто престана да оди на училиште“, објасни неговиот татко.“
Поради нискиот раст, тој не може да ги следи стапките на својот татко и работи во градежништвото, а всушност тешко наоѓа каква било работа.
Деновите ги поминува главно гледајќи цртани филмови и на интернет. Афшин е добар во користењето на својот телефон, но има проблем да го носи.
Поради неговата љубезност и отвореност, тој е многу популарен меѓу локалното население. Иако бил прифатен, тој истакнува дека би сакал да живее како другите луѓе, а особено да вози автомобил.
Не се движи сам низ селото, секогаш е придружуван од родителите, а понекогаш мора и да го носат.