Во Патаз, на 900 километри од Лима, беше прогласена вонредна состојба поради насилството предизвикано од „златната треска“.
Тринаесет лица беа пронајдени мртви во рудник во планините на Перу во неделата, неколку дена откако беа киднапирани во градот Патаз, соопшти рударската компанија Подероса, сопственик на рудникот.
Убиените работеле за компанија која работи за големата компанија за рударство на злато, која во последните месеци беше цел на вооружени групи поврзани со нелегално рударство.
Во Патаз, на 900 километри од Лима, беше прогласена вонредна состојба поради насилството предизвикано од „златната треска“.
Подероса вели дека бандите што го презедоа градот досега убиле 39 вработени, вклучувајќи и рудари.
Таа компанија процени дека вонредната состојба и големиот полициски контингент не го спречиле насилството и ја повика перуанската влада итно да ја преиспита стратегијата.
Во неколку региони на Перу е прогласена вонредна состојба поради бран изнуди и сериозен криминал.