Времето денеска низ Македонија ќе биде сончево со умерена облачност.
Попладне во западните и крајните источни делови ќе има развој на нестабилна облачност со локален дожд и грмежи.
Ќе дува слаб до умерен ветер од југоисточен правец.
Максималната температура ќе биде во интервал од 20 до 27 степени.
Во Куманово и околината денеска ќе имаме променливо облачно време со сончеви периоди, но и со услови за грмежи и краткотраен дожд во попладневните часови на одредени локации.
Ќе дува слаб до умерен ветер од јужен и југозападен правец.
Утринската температура ќе се движи околу 10 степени, а максималната дневна се очекува да достигне 26 степени целзиусови.
Утре низ кумановско ќе имаме облачно време со кратки сончеви периоди. Во попладневните часови ќе има услови за изолирана појава на грмежи и дожд. Ќе дува слаб до умерен ветер од јужен правец, а температурата ќе се движи во интервал од минимални 9 до максимални 23 степени целзиусови.
Во среда ќе имаме претежно облачно време со кратки сончеви периоди, но и услови за врнежи од дожд. Ќе дува слаб до умерен ветер од југ и југоисток, а температурата ќе се движи во интервал од минимални 10 до максимални 22 степени целзиусови.
И во четврток ќе имаме облачно време со врнежи од дожд. Ќе дува слаб до умерен ветер од јужен и југоисточен правец. Температурата во утринските часови ќе се движи околу 11 степени, а максималната дневна се очекува да достигне 20 степени целзиусови.
Облачно време со врнежи од дожд ќе имаме и во петок. Ќе дува слаб до умерен северен и северозападен ветер. Утринската температура ќе се движи околу 10 степени, а дневниот максимум се очекува да достигне 18 степени целзиусови.
Врнежи од дожд ќе имаме и во сабота кога ќе дува слаб до умерено засилен ветер од северен правец. Температурата во утринските часови ќе се движи околу 9 степени, а максималната дневна се очекува да достигне 19 степени целзиусови.
Во недела ќе имаме променливо облачно време,. но со повеќе сонце и без врнежи. Ќе дува слаб до умерен ветер од источен правец, а температурата ќе се движи меѓу 8 и 19 степени целзиусови.
Слично време се очекува и во текот на следната работна недела.
Никола Ивановски