Лидерите на ЕУ се собраа во понеделник на неформален состанок посветен исклучиво на одбраната за прв пат.
„Мојата намера со овој собир е да имаме искрена, отворена и слободна дискусија за три главни прашања: кои се приоритетите што треба да ги развиеме на заеднички начин, како да ги обезбедиме потребните финансии и трето како да ги зајакнеме нашите постоечки партнерства- изјави Антонио Кошта пред почетокот на собирот.
Кошта рече дека денешната дебата треба да резултира со обезбедување политички насоки на Комисијата и на високиот претставник за надворешна и безбедносна политика за Белата книга што треба да биде претставена во март и да го отвори патот за донесување одлуки во наредните месеци.
На ручекот на лидерите на земјите-членки на ЕУ ќе им се придружи генералниот секретар на НАТО Марк Руте, а на работната вечера британскиот премиер Кеис Стармер.
Ова е прв собир на лидерите на ЕУ посветен исклучиво на одбраната и прв откако Доналд Трамп ја презеде функцијата претседател на САД.
Трамп бара од европските членки на ЕУ да ги зголемат трошоците за одбрана на 5 отсто од БДП, што за повеќето од нив е неостварливо со оглед на нивната фискална ситуација.
Американскиот претседател најави и воведување царини за Европската унија и бара Данска да му го предаде Гренланд.
Пред неформалниот собир, лидерите на осум земји – Естонија, Латвија, Литванија, Шведска, Финска, Данска, Полска и Ирска се состанаа за да координираат заеднички став.
Ова се земјите кои најмногу се залагаат за воена помош за Украина и остри санкции против Русија.