Милијардерот Илон Маск одлично се забавуваше на инаугурацијата на новостариот американски претседател, а еден негов потег крена голема прашина.
Маск во еден момент направи гестикулации со рацете кои многумина ги потсетија на озлогласениот нацистички поздрав.
„Го виде ли ова, ова е чист нацизам“, „Што се случува, дали сме во Германија во 1939 година?!“, „Не ми се верува дека Маск само го изведе нацистичкиот поздрав пред целиот свет“… На социјалните мрежи веднаш почнаа да се слеваат коментари.
Имаше и такви кои го бранеа Маск и обвинуваа други корисници дека „замислуваат работи“.
Непријатен гест или намерен поздрав?
– Тоа беше нацистички поздрав, а притоа и многу агресивен – вели Рут Бен-Гијат, професор по историја на Универзитетот во Њујорк, пренесе Тајм.
– Тоа беше глупав гест со раката. Секое лице кое се обидува да го прикаже како нацист, намерно ја дезинформира јавноста“, вели Ејал Јакоби од Универзитетот во Пенсилванија.
„Ви благодарам, благодарам. Моето срце е со вас“, рече Маск додека го повторуваше гестот со раката во правец на американското знаме.
Додека некои го повикуваат Маск за изведбата на „Sieg Heil“, во негова одбрана излезе Anti-Defamation League, организација која се бори против антисемитизмот.
– Ова е деликатен момент. Многумина се на работ. Изгледа дека Илон Маск извел незгоден гест во момент на ентузијазам, а не нацистички поздрав. Ова е нов почеток. Да се надеваме на исцелување и да работиме на единство во месеците и годините што доаѓаат – порачаа од АДЛ.
Но, нивното објаснување не ѝ се допадна на американската конгресменка Александрија Окасио-Кортез.
Таа веднаш возврати на АДЛ.
„Само да бидам јасна, вие го браните поздравот „Хајл Хитлер“ кој беше изведен и повторен“, напиша Окасио-Кортез.
Таа додаде дека оваа организација го изгубила кредибилитетот и ги обвини дека работат „за нив“.
Ова се однесува на Трамп и Маск… А на нејзината објава веднаш реагираше таканаречениот Маск…
– Таа е сто проценти изгубена. Искрено, им требаат подобри валкани трикови. Нападот „сите се Хитлер“ е толку истрошен“, рече Маск во две објави на Твитер, извинете, до X.
Реагираа и Германците
Германскиот канцелар Олаф Шолц исто така го осуди однесувањето на Маск, нарекувајќи ја неговата поддршка за крајната десница неприфатлива.
Шолц повика на смиреност како одговор на контроверзната администрација на Трамп и провокациите на Маск.
Маск на Твитер одговори со погрден коментар за Шолц, исмејувајќи го нарекувајќи го „Oaf Schitz“.