Новоизбраниот американски претседател Доналд Трамп на митинг во Вашингтон изјави дека прекинот на огнот постигнат меѓу Израел и Хамас „можеше да се случи само како резултат на неговата историска победа“ на изборите.
– Оваа недела постигнавме епски договор за прекин на огнот како прв чекор кон траен мир на Блискиот Исток. И овој договор можеше да се случи само како резултат на нашата историска победа во ноември“, рече Трамп на митинг пред неговата инаугурација.
Тој додаде дека новата американска администрација сето тоа го постигнала на Блискиот Исток за помалку од три месеци.
„Иако сè уште не сум станал претседател, постигнавме повеќе отколку што тие постигнаа за четири години“, рече Трамп, според Си-Ен-Ен.
Тој нагласи дека TikTok се враќа во САД откако стапи на сила забраната за апликацијата.
Тој додаде дека чувствува дека TikTok мора да се зачува бидејќи е толку популарен.
Трамп изјави дека во понеделник напладне „се спушта завесата на четирите долги години американски пад“ и дека започнува сосема нов ден на американската сила и просперитет, достоинство и гордост.
– Сето тоа ќе го вратиме еднаш засекогаш – рече тој.