Франција ќе ја поддржи политичката транзиција во Сирија по падот на Башар ал Асад и во наредните денови ќе испрати специјален дипломатски пратеник во земјата, изјави денеска францускиот министер за надворешни работи Жан Ноел Баро.
Француски министер: Настаните во Сирија се зачудувачки пораз за Русија
Сириските бунтовници вчера без отпор го зазедоа главниот град Дамаск по молскавичното напредување што го натера претседателот Асад да побегне во Русија по 13 години граѓанска војна и шест децении автократско владеење на неговото семејство.
Настаните во Сирија се неверојатен пораз за Русија, изјави Баро за радиото Франс Инфо, бидејќи Москва сега може да го изгуби пристапот до воените средства што ги има во арапската земја.
Молњачкиот воен напредок на бунтовничката алијанса Хајат ал Тахрир ал Шам (ХТС) означи една од најголемите пресвртници за регионот во последните генерации.
Многу земји, вклучувајќи ги САД, Велика Британија и Турција, и Обединетите нации ја сметаат ХТС за терористичка група, но ОК најави дека статусот на ХТС може да се промени.