Тензиите меѓу тимовите на демократскиот кандидат на претстојните претседателски избори во Соединетите Американски Држави Камала Харис и актуелниот претседател Џо Бајден се зголемени во последните недели.
Особено поради новите соработници во тимот на потпретседателот и персоналот на претседателскиот кабинет, на кои им е тешко да се прилагодат на споредната улога во кампањата на Харис, велат за Аксиос десет извори.
Според неименувани извори, некои членови на тимот на Харис веруваат дека соработниците на Белата куќа не ја координираат доволно пораката и распоредот на Бајден за да се усогласат со она што е најдобро за кампањата на потпретседателот, пренесува Танјуг.
Тимот на Харис исто така се обидува да додаде персонал во официјалната канцеларија на потпретседателот поради зголемениот обем на работа, како и незадоволството од наводните неефикасности во Белата куќа, според извори.
Неколку соработници на Бајден се приклучија на кампањата на Харис, но сметаат дека тимот на Бајден ги карактеризира како нелојални поради одлуката, пишува Аксиос.
„Сите од претседателот надолу знаат колку се важни изборите и секогаш очекувавме дека одреден број вработени ќе сакаат да се префрлат од администрација во кампања за последниот дел“, рече еден од изворите.
Во неделите откако Харис стана демократски кандидат, се појавија несогласувања околу тоа дали главните соработници на Бајден, кои се појавуваа на телевизија до тој момент, ќе продолжат со таа улога или ќе бидат сменети.
Аксиос известува дека тимот Харис на крајот победил, иако тие и понатаму се сомневаат во соработниците на Бајден.