Руските сили егзекутираа 16 украински воени заробеници во близина на Покровск во областа Доњецк.
Тоа е најголемиот регистриран случај на егзекуција на украински воени затвореници, јавуваат украинските медиуми, повикувајќи се на Канцеларијата на главниот обвинител.
Вчера на каналите на Телеграм се појави видео од егзекуцијата на 16 украински војници.
Се претпоставува дека тоа се случило во атарот на селата Миколајивка и Сукји Јар, во близина на градот Покровско, каде со месеци се водат жестоки борби.
На видеото се гледа како заробени војници на вооружените сили на Украина, под контрола на Русите, ја напуштаат плантажата.
Откако се наредиле, руски војници отвориле оган врз нив.
Тие потоа ги завршија ранетите со рафали од автоматски пушки од непосредна близина.
„Ова е најголемиот познат случај на егзекуција на украински воени заробеници на линијата на фронтот. Ова е уште еден доказ дека убиствата и тортурата на затворениците не се случајни инциденти, туку политика на руското воено и политичко раководство“, нагласи главниот обвинител на Украина Андриј Костин.
Украинскиот народен правобранител Дмитро Лубинец веќе реагираше на егзекуцијата на украинските воени заробеници, обраќајќи им се на ОН и на Меѓународниот комитет на Црвениот крст. Обвинителството истражува кршење на законите и обичаите на војната во комбинација со убиство со умисла, се вели во соопштението на обвинителството.
The Russian military executed 16 (!!!) surrendered Ukrainian soldiers at sight.
This is the worst incident of POW execution known so far in this war.
It happened near Pokrovsk.
Look at what the Russians did – they lined the surrendered Ukrainians up, shot them all down, and… pic.twitter.com/U3ub7PKx3x
— Illia Ponomarenko 🇺🇦 (@IAPonomarenko) October 1, 2024