Израелските одбранбени сили (ИДФ) денеска објавија дека распоредуваат уште една дивизија во јужен Либан за копнени операции против Хезболах и дека утринава од Либан врз северен Израел биле истрелани околу 50 ракети.
Армијата ги опиша копнените операции во јужен Либан како „ограничени, локализирани и насочени напади“ чија цел е уништување на инфраструктурата на либанската група Хезболах во пограничната област, пишува „Тајмс оф Израел“.
Во соопштението се наведува и дека утринава од Либан биле истрелани околу 50 ракети кон северен Израел, поради што се слушнале сирени во градовите на горната и западната Галилеја.
Засега нема информации за повредени.
Општина Метула, од која се евакуирани повеќето жители, соопшти дека во пожарот во баражот се оштетени десетина куќи, пренесува Танјуг.