Еден белгиски турист се здобил со изгореници од трет степен на стапалата откако ги изгубил апостолките и бил принуден да оди бос по песочните дини во националниот парк Долината на смртта во Калифорнија.
Како што јави ABC News, 42-годишен маж бил пренесен во болница во Лас Вегас.
Температурата на воздухот била 50 степени, но температурата на песокот најверојатно била повисока, соопштија локалните власти.
Хеликоптерот „Мерси Ер“ не можел безбедно да слета во долината на смртта поради екстремните температури кои можат да влијаат на операциите на хеликоптерот, па чуварите на паркот првично ја пренеле жртвата со брза помош до област каде што хеликоптерот можел да слета.
„Паркчуварите им препорачуваат на посетителите да не шетаат во паркот по 10 часот, да пијат многу вода, да јадат солени грицки и да носат капа и крема за сончање“, соопштија од Националниот парк по инцидентот, пренесува Танјуг.