Софтверската компанија CrowdStrike, чие ажурирање на антивирусен софтвер предизвика технички проблеми ширум светот, објави ново ажурирање кое треба да ги врати компјутерите во живот.
Како што вашите уреди го добиваат ова ажурирање, можеби ќе треба да го рестартирате системот за да стапат на сила промените и да се решат проблемите со синиот екран (BSOD), велат од компанијата.
Австралиска фирма за сајбер безбедност ги советувала клиентите да применат решение доколку имаат проблеми со ажурирањето, пренесува ABC News, кој додава дека нема независна потврда дека новото ажурирање функционира.
Ако хостовите продолжат да не успеваат и не можат да останат онлајн за да примаат промени во датотеките, може да се искористат следните чекори за да се реши проблемот:
– Стартувајте безбеден режим на Windows Safe Mode или Windows Recovery Environment
– Одете до директориумот C:\Windows\System32\drivers\CrowdStrike
– Најдете ја датотеката што одговара на „C-00000291*.sis“ и избришете ја.
– Стартувајте го хостот нормално.
За потсетување, банките, аеродромите, авиокомпаниите, телекомуникациите, ТВ и радио радиодифузерите, како и супермаркетите од утрово се соочуваат со проблеми предизвикани од масовен технички дефект, а во неволја е и Мајкрософт.
Британскиот Sky News објави дека не може да ја емитува својата утринска програма поради технички дефект.
Авионите на повеќето американски авиокомпании се приземјени, а проблеми има и со авиони и железници во земјите од Европската унија, САД и Австралија.
Јунајтед, Делта и Американ ерлајнс со седиште во САД најавија „глобално заземјување“ на сите нивни летови.