„Нино со љубов, песни и вино“ е свечениот концерт со кој кумановскиот пејач Нино Величковски во понеделник ќе одбележи 40 години кариера.
Со почеток во 19:30 часот во големата сала на Центарот за култура „Трајко Прокопиев“, Нино ќе ги изведе песните кои одбележаа негово четиридецениско опстојување на музичката сцена.
Самиот настан замислен како необичен и автентичен начин на спојување на традицијата и современата македонска музика, со цел да се остави траен белег на музичката естрада и на културата, воопшто.
Овој проект има цел да ги промовира трајните културни и вистинските музички вредности и да придонесе кон зачувување и збогатување на македонската музичка традиција, бидејќи најголемиот дел од песните на Нино се веќе обнародени.
Кумановци ќе може да уживаат во неговите хитови како „Свирете ми тамбури“, „Бабино девојче“, „Уште еднаш“, “Не се трпат немири“, „Малку треба“, „Нова песна за Куманово“, „Сега е веќе доцна“, „Кажи ми Лено душо“, „Биди ми бисер“, „Песните се мои другари“, „Љубовта е света“ и „Ние двајца“.
Никола Ивановски