Околу 80.000 цивили се евакуирани од областа Херсон поради безбедносни причини, изјави денеска за агенцијата ТАС С, Кирил Стремусов, заменик-шеф на воено-цивилната администрација на регионот.
„Многумина си заминаа. Околу 80.000 луѓе се евакуирани. Им помагаме на сите што сакаат да го напуштат Херсон. Сега сум и јас во Херсон“, рече Стремусов.
Тој претходно изјави дека украинските сили претрпеле големи загуби, а нивниот обид да ја пробијат одбраната кај Снигирјовка во областа Керсон бил одбиен.
„Неонацистичките Украинци се обидоа да ја пробијат одбраната кај Снигирјовка, но не успеаја. Неонацистичките сили претрпеа големи загуби“, напиша Стремусов на Телеграм.
Според него, Украинците концентрираат дополнителни сили „за да ги исполнат наредбите на колективниот Запад“.
Стремусов изјави дека украинските сили се обидуваат да навлезат насекаде во Херсонската област и дека странските платеници се вклучени во обидите за украинска офанзива.
Сите информации поврзани со најновите случувања со војната во Украина можете да ги прочитате ТУКА.