Кикаи Сун – прв Кинез кој ќе заигра во дресот на КК Куманово

Кинескиот интернационалец Кикаи Сун е нов член на поранешниот вицешампион на Македонија и финалист во националниот Куп, КК Куманово.

Тој е прв Кинез во македонската кошарка, а доаѓа на препорака на тренерот Владимир Мирковски кој долго време работеше во оваа држава.

Сун игра на крилните позиции, висок е 196 сантиметри, а настапувал во НЦАА за Сетон Хол Универзитетот од Њу Џерси.

Последната сезона ја поминал во тимот Њујорк Харлем Андердогс каде просечно постигнувал по 11,4 поени, 4,6 скока и 2,1 асистенции по натпревари.