Најмалку десет патници загинаа во железничка несреќа во Иран рано утринава, кога неколку вагони на патнички воз излетаа од шините, повеќе од 50 луѓе се повредени, меѓу кои и оние кои се здобија со тешки повреди, јави државната телевизија.
Според извештајот на тој медиум, бројот на жртви би можел да биде и поголем.
Четири вагони од вкупно седум излегле од шините на пругата во близина на пустинскиот град Табас пред зори, соопшти телевизијата.
Несреќата се случила на околу 50 километри од Табас, или на околу 550 километри југоисточно од главниот град Техеран на пругата кон градот Јазд.
Во областа пристигнале спасувачки екипи, амбулантни возила и три хеликоптери.
Во извештајот се наведува дека се истражува причината за несреќата, а медиумите јавуваат дека возот удрил во багерот.
#Breaking #Iran
June 8, 2022
Tabas-Yazd train derailed today at 5:30 am / 10 people have died so far
Iranian people have no safety under the mullah’s corrupt ruling! #ایران #یزد #طبس pic.twitter.com/aexa1ee9LF— 𝕄𝕠𝕤𝕥𝕒𝕗𝕒.𝕄 (@MostafaMe4) June 8, 2022