Ракометарките на Куманово го загубија големото дерби со ЖРК Ѓорче Петров кој викендов го одиграа на домашен терен.
Двете најсилни екипи оваа сезона се бореа за продолжување на низата победи и зацврстување на лидерската позиција во табелата, а тоа им успеа на ракометарките на Ѓорче Петров.
Првото полувреме мина во прилично изедначена игра, за што говори и резултатот пред паузата од 12:13.
Но, кумановки немаа сила за победа, па вториот дел од средбата гостинскиот тим почна да ниже предност за конечни 20:29.
Со девет погодоци најефикасна во тимот на ЖРК Куманово беше Сузана Зечевиќ, четири впиша Сара Цветановска, а по пет одбрани имаа голманките Марија Јовановска и Сумона Грујовска.
Со оваа победа Ѓорче Петров изби на првата позиција во табелата, но кумановки им дишат во врат.
Никола Ивановски