Ракометарките на Куманово вчера забележаа уште една победа во рамките на домашното првенство, откако на гостински терен го совладаа составот на Шампион од Скопје со резултат 19:35.
Loading...
Кумановки уште во првиот дел од средбата прикажаа извонредна игра па веќе на полувреме заминаа со предност од шест погодоци, односно 11:17.
Вториот дел од играта избраничките на Ненад Краљевски примија само осум, а реализираа 18 голови со што лесно впишаа нови бодови во табелата.
Со по четири погодоци најефикасни во тимот на Куманово беа Ана Шарановиќ и Јована Кипријановска, а во тимот на Шампион со исто толку Тама Богоевска.
Следниот меч Куманово го игра утре на домашен терен против составот на Кузман Вардар со почеток во 18 часот.
Никола Ивановски