Фудбалерот од средниот ред на Челзи, Жоржињо ги сподели своите ставови во врска со вклучувањето во лондонскиот состав на 38-годишниот голман Петр Чех, кој се пензионираше во 2019 година.
Loading...
– Мислам дека фактот дека Чех сега е со нас може многу да му помогне на тимот. Петр е легенда, тој е многу искусен, ќе помогне во соблекувалната и ќе може достоинствено да игра ако е потребно. За мене би било чест да излезам на теренот со него. Претходно, ова беше можно само на плејстејшен – го цитира „Мирор“ Жоржињо.
Петр Чех се врати во составот на Челзи како четврти голман. Тој ќе биде на голот на „сините“ доколку ниту еден од Кепа Аризабалага, Едуар Менди и Вили Кабаљеро, не биде во состојба да настапи.
Зоран Стерјовски