Уште една драматична снимка доаѓа од Мјанмар, кој утринава беше погоден од два разорни земјотреси.
Земјотрес со јачина од 7,7 степени според Рихтеровата скала го погоди денеска Мјанмар, а потреси се почувствуваа во главниот град Најпидав и најголемиот град Јангон, како и во соседните земји – Бангладеш, Индија, Тајланд, Лаос и Кина.
Како што јави Ксинхуа, неколку згради во регионот Мандалај се урнати, а бројни патишта меѓу Мандалај и Јангон се оштетени и отсечени.
Медиумите објавија дека потресите биле почувствувани и во Виентиан во Лаос, Бангкок и Ханој.
Во Виентиан се нишаа зградите со повеќе од три ката, како и во Бангкок, каде што многу луѓе беа евакуирани од високи згради.
Во Бангкок се урна 30-катница во изградба, при што едно лице загина, а 43 се водат како исчезнати.
По земјотресот, тајландската премиерка Фетонгтарн Шинаватра прогласи вонредна состојба во Бангкок и предупреди на можни последователни потреси во следните 24 часа.
Епицентарот на земјотресот бил во близина на градот Мандалај во Мјанмар, на длабочина од 10 километри и на 16 километри северозападно од градот Сагаинг, а земјотресот се случил утринава во 6 часот и 20 минути или 13 часот и 20 минути по локално време.
At the time of the Earthquake some people were on the MRT and luckily the swaying moment had already stopped at the station.#earthquake #Myanmar pic.twitter.com/djzrL47RW8
— Anil Kumar Verma (@AnilKumarVerma_) March 28, 2025