Портпаролот на Кремљ Дмитриј Песков потврди дека украинскиот јазик ќе остане државен јазик на ослободените територии на Донбас.
Рускиот јазик во блиска иднина ќе добие статус на државен јазик во поранешната област Запорожје, која се подготвува да одржи референдум за приклучување кон Руската Федерација.
Ова го соопшти Владимир Рогов, член на Главниот совет на нејзината воено-цивилна администрација.
„Рускиот е мајчин јазик на луѓето од регионот Запорожје. Повеќе од 80% од жителите на регионот го сметаат рускиот за свој мајчин јазик, 100% го разбираат, зборуваат, пишуваат и најчесто го користат во која било активност. Рускиот јазик веќе може де факто да се смета за државен јазик, де јуре тој статус ќе го добие во блиска иднина“, прецизира Рогов.
Тој додаде дека ќе има два државни јазици: руски и украински бидејќи властите ќе им дозволат на луѓето да го зборуваат нивниот јазик.
„Нашата главна задача е да им овозможиме на луѓето да живеат нормално и да не се чувствуваат непријатно и да не се соочуваат со забрани и угнетувања поради јазикот, што се случи во последните 30, а особено во последните осум години во Украина.
Рогов потсети дека режимот во Киев го забрани рускиот како официјален јазик во регионот по државниот удар во Украина во 2014 година.