Во малата сала на НУ Центар за култура ”Трајко Прокопиев” во вторник /27 октомври/ со почеток во 19:30 часот ќе се одржи ”Поетско – музичка вечер” во организација на Здружението на граѓани ”Друштвото на писатели” од Куманово по повод доделување на награди по распишаниот награден литературен конкурс за основци и средношколци од општина Куманово.
На распишаниот конкурс во септември, Друштвото на писатели од Куманово на основците им ги доделите темите “Случка“ и “Подарок“, додека средношколците беа поканети да творат на тема “Среќа“ и “Бегалци на денешницата“.
Според пропозициите, учениците можеа да учествуваат со песни до 35 реда и есеи не подолги од страница и пол. Од секое училиште можеа да се достават по десет творби кои се разгледани од жири комисија која секоја година е во различен состав.
Најдобрите на конкурсот ќе бидат наградени со дипломи и книги.