ВМРО ДПМНЕ на голем народен собир пред Собрание

Сподели со своите пријатели

Под мотото „Македонија силна!“ вечер со почеток од 20 часот, пред Собранието на Република Македонија владејачката ВМРО-ДПМНЕ и партиите од коалицијата „За подобра Македонија“ ќе одржат голем народен собир.

Loading...

– Со собирот за поддршка на Македонија зад кој стои ВМРО-ДПМНЕ ќе покажеме дека оваа држава има народ со крената кичма и нема да дозволи некој однадвор, со инструмент и полтрон на нечии интереси, да ја руши државата, да руши легитимно избрана власт и да спроведува други сценарија, изјави лидерот на ВМРО-ДПМНЕ и премиер Никола Груевски во интервју пред два дена.

На собирот кој го организира ВМРО-ДПМНЕ, коалицијата За подобра Македонија, како што рече Груевски, ќе се искаже поддршка на државата во овие тешки моменти, за сите кои се борат за Македонија, за безбедносните сили, за сите сили кои што даваат напори Македонија да излезе од овој процес, да се заврши оваа криза и да се продолжи по патеките на напредокот, на отворање нови работни места, на носење крупни инвеститори во Македонија, на зголемување на платите, на пензиите, на социјалната помош, по патеките на силна поддршка на земјоделците.

– Тој собир сигурно ќе биде ненасилен, сигурно ќе биде мирен, но сигурно ќе биде моќен и силен од аспект на присутноста на граѓаните затоа што јас знам дека граѓаните го препознаа овој кукавички чин што го прави Заев, против сопствената држава, а за својот личен интерес, рече Груевски.

Во изминатите два дена поддршка за собирот искажаа повеќе политички партии, групи и граѓани.


Leave a Reply

Your email address will not be published. Required fields are marked *