Гувернерот на американската сојузна држава Минесота, Тим Волц и сенаторот од државата Охајо, Џеј-Ди Венс, се договорија да одржат потпретседателска дебата на 1 октомври, во исто време кога започнува предвременото гласање за општите избори во некои држави.
CBS News објави дека мрежата ги поканила Венс и Волц на дебата во Њујорк, нудејќи четири датуми: 17 септември, 24 септември, 1 октомври и 8 октомври.
Волц ја објави пораката од неговиот профил на кампањата,
„Се гледаме на 1-ви октомври, Џеј-Ди“.
Кампањата на Харис-Вoлц се надоврза со порака во која се вели дека Волц се радува на дебата со Венс „ако се појави“.
Венс најави дека ќе ја прифати поканата за 1-ви октомври. Тој, исто така, го покани Волц на дебата на 18 септември на CNN.
Имаше прашање дали Волц и Венс ќе имаат дебата пред изборите на 5 ноември.
Само во изминатите неколку недели американскиот претседател Џозеф Бајден ја повлече својата кандидатура, а демократите ја избраа потпретседателката Камала Харис за нивен кандидат.
Венс најмногу се фокусираше на Харис, за којa требаше да дебатира пред Бајден да ја напушти трката.
Републиканскиот претседателски кандидат Доналд Трамп изјави дека сака Венс да има дебата со Волц на CBS, која понуди потенцијални датуми за состанокот во септември на ABC News.
Трамп рече дека преговарал за неколку други датуми со три различни мрежи. Фокс њуз, исто така, предложи дебата меѓу Харис и Трамп на 4 септември, а NBC планира за 25 септември.
Харис во Мичиген рече дека едвај чека да се договори за дополнителна дебата.