Ураганот Иан го погоди брегот на Јужна Каролина

Сподели со своите пријатели

Ураганот Иан денеска го погоди брегот на Јужна Каролина, еден ден откако предизвика огромна материјална штета на Флорида, предизвика човечки жртви и зароби многу луѓе во нивните домови, пренесува Ројтерс.

Loading...

Иан моментално е ураган од прва категорија со ветрови од 120 километри на час, соопшти Националниот центар за урагани на САД.

Покрај Јужна Каролина, се очекува да ги погоди и Северна Каролина и Џорџија и да предизвика поплави опасни по живот, силен ветер и голем бран.

Штетите на Флорида се уште се проценуваат, а не е познат конечниот број на загинати.

ПРОЧИТАЈТЕ И:  Џакарта повеќе нема да биде главен град на Индонезија

Ен-Би-Си објави дека загинале 10 лица, а Си-Ен-Ен дека животот го загубиле 17 лица.

Американскиот претседател Џо Бајден предупреди дека Јан може да биде еден од најсмртоносните урагани во историјата на Флорида и дека прелиминарните извештаи укажуваат на висок број на жртви.

Повеќе од 2,3 милиони домови и деловни објекти останаа без струја по налетот на Иан, потсетува Радио Слободна Европа.