Унгарија оваа пролет позајми една милијарда евра, што е најголемиот заем што Будимпешта некогаш го подигнала.
Заемот е земен од три кинески банки, откриваат податоците од веб-страницата на владината агенција за долгови.
Заемот, обезбеден од Кинеската развојна банка, Експорт-импорт банка на Кина и унгарската филијала на Банката на Кина, бил целосно исплатен на 19 април и мора да биде отплатен во рок од три години.
Будимпешта не објави информација за земање на споменатиот заем.
Сè прво објави вчера унгарскиот бизнис магазин Портфолио, а потоа информацијата ја потврди и владина агенција.
Значително задолжување се случува додека Будимпешта ги продлабочува своите врски со Пекинг.
Најавени се голем број заеднички инфраструктурни проекти
Кинеските компании, како што се производителот на електрични автомобили BYD или технолошкиот гигант Huawei, досега имаат инвестирано вкупно околу 16 милијарди евра во земјата, според унгарскиот министер за надворешни работи Петер Сијарто.
„Договорот за кредит овозможува финансирање на инвестиции, меѓу другото, во инфраструктурата и енергетиката. Трансакцијата го одржува односот на јавниот долг кон БДП во горната граница од 28,9 отсто“, соопшти владината агенција.
Во мај, Сијарто најави серија заеднички инфраструктурни проекти со Кина, вклучувајќи брза железница до аеродромот во Будимпешта, товарна железничка линија околу главниот град на Унгарија, нафтоводи меѓу Унгарија и Србија и нуклеарна соработка.
„Ние развивме висок степен на меѓусебна политичка доверба. Нашите билатерални односи се најдобри во историјата и тргнавме на златно патување“, рече кинескиот претседател Си Џинпинг во изјавата пред неговата посета на Будимпешта во мај.
Не се соопштуваат детали за каматните стапки
Неколку недели подоцна, веднаш по преземањето на кормилото на ротирачкиот Совет на претседателства на ЕУ, Орбан го посети кинескиот главен град.
Со јавниот долг на Унгарија на рекордни 140 милијарди евра (73,5 отсто од БДП) и буџетски дефицит од 6,7 отсто од БДП, Будимпешта има очајна потреба од готовина, пишува Политико.
Будимпешта се уште чека милијарди евра од фондовите на ЕУ.
Новиот кинески заем има најголем дел од националниот долг, а по него е заемот на China Eximbank од 917 милиони долари за проектот за железница Будимпешта-Белград.
Иако Портфолиото забележа дека каматната стапка е променлива, владата не откри повеќе детали за нивото на каматната стапка, распоредот за отплата или други детали.