Украинската морнарица денеска соопшти дека уништила траект во руското пристаниште Кавказ кој се користел за испорака на гориво и оружје на Крим.
Локалните власти претходно објавија дека траектот бил запален и оштетен во вчерашниот напад на пристаниште во јужниот дел на рускиот крај Краснодар, пренесува Ројтерс.
„Уништена е уште една несомнено воена цел. Фериботот потона и ова пристаниште (Кавказ) е неупотребливо додека траектот не биде отстранет“, изјави портпаролот на украинската морнарица Дмитро Плетенчук за украинската телевизија.
Федор Бабенков, началник на областа Темрук во руската покраина Краснодар, во четвртокот изјави дека на траектот имало 30 резервоари за гориво.
17 членови на екипажот на траектот се спасени, а двајца членови на екипажот се уште се водат како исчезнати, изјави началникот на Краснодарската област Вениамин Кондратиев.