Украинската новинарска екипа се вклучи од градот Сужа во руската област Курск, на 10 километри од границата со Украина.
Ова е прв извештај на украинскиот медиум од руска територија од почетокот на инвазијата во 2022 година и укажува дека Украина веројатно ја контролира Сужа, пишува Киев пост.
Како што пренесува ТСН, украинските војници го отстраниле руското знаме од една од зградите во Сужа, градот во кој се наоѓа мерната станица за гас Сужа, единствената транзитна рута на руски гас до Европа преку Украина.
Некои корисници на интернет ја идентификуваа локацијата како училиште во центарот на Сужа, што беше потврдено од Киев пост врз основа на видеото на ТСН.
Репортерот на ТСН рече дека градот не е тешко оштетен, а најголем дел од штетата наводно е предизвикана од руски воздушни бомби.
На снимката се гледа и уништена руска опрема во предградието на Сужа.
Се додава дека е познато дека во Сужа останале околу 100 локални жители, додека мнозинството наводно се кријат во подземни бункери.
Новинарската екипа гледала како украинските војници делеле хуманитарна помош на локалното население.
Александар Сирски, врховен командант на украинската армија, вчера изјави дека 1.000 квадратни километри руска територија во областа Курск се под контрола на Киев.
Украинскиот претседател Володимир Зеленски претходно во видео-обраќање до нацијата во вторникот вечерта рече дека Украина контролира 74 населени места во областа Курск.