Уапсен маж кој упатувал смртни закани до претседателката на Словачка

Сподели со своите пријатели

Словачката полиција уапси маж од Пежинок, кој во вторникот упатил смртни закани до претседателката Зузана Чапутова, пратениците и нивните семејства, изјави портпаролката на регионот Трнава, Марија Линчесова.

Loading...

Човекот, кој неколку пати бил осудуван, е осомничен за опасни закани, додаде таа, пренесува агенцијата ТАСР.

Неговото триминутно видео беше објавено на социјалната мрежа.

Полицијата го идентификувала мажот и при апсењето открила 0,5 промили алкохол во неговото тело.

– Сакаме да ги предупредиме корисниците на социјалните мрежи дека дури и во онлајн светот, може да бидете кривично одговорни за информациите што ги споделувате и објавувате. И покрај очигледната анонимност, полицијата е во состојба да идентификува поединец дури и во виртуелниот свет и да го обвини за кривично дело – рече Линчесова.

ПРОЧИТАЈТЕ И:  Џакарта повеќе нема да биде главен град на Индонезија