Второто издание на фестивалот „ТУМБСТОК“ и годинава ќе ја слави хип-хоп музиката во Куманово со настап на голем број музичари.
Ѕвезди на вечерва ќе бидат Слаткаристика и Два бона, а се очекува и настап на голем број локални изведувачи на градскиот плошад на 26 август.
Фестивалот е во комплетна организација на Фондацијата за култура и спорт „Куманово“ – Куманово, НГО „Бујрум“ и Сектор за култура при Општина Куманово, а, под покровителство на Градоначалникот и Советот на Општина Куманово.
– Со оглед на тоа дека „ТУМБСТОК“ е еден од ретките фестивали во Куманово преку кој што ја негуваме хип-хоп културата и ги поддржуваме локалните хип-хоп артисти, на овогодинешното издание имаме сериозно богата програма, велат од Фондацијата.
Честа да го отворат фестивалот околу 20:30 часот ќе им припадне на трап изведувачите од Double G Mafia, по што ќе следува настапот на Иван Ајнштајн, VYBE и David Black.
Нешто по 21 часот на сцената ќе се појават популарните кумановски изведувачи од 1300 Records, а по нив и Лука Чомбе, Аиман и Леопард.
Околу 22 часот се очекува настапот на Слаткаристика, а годинешното издание на фестивалот ќе го затворат момците од Два бона.
Никола Ивановски