Поранешниот американски претседател Доналд Трамп поднесе жалба на одлуката што го спречи да учествува на претседателските избори во американската сојузна држава Мејн, поради неговата улога во нападот врз Конгресот на 6 јануари 2021 година, јавува денеска Гласот на Америка. пишување од Ројтерс.
Трамп, кој се смета за фаворит за републиканската претседателска номинација, побара од Врховниот суд во Мејн да ја поништи одлуката на државниот секретар Шана Белоус со која му се забранува учество на првичните избори.
Белоус, демократ, ја донесе одлуката врз основа на толкувањето дека Трамп поттикнал бунт во обид да ја задржи функцијата по поразот на изборите во 2020 година, што би го дисквалификувало според Уставот на САД.
Адвокатите на Трамп се обидоа да оспорат дека Трамп учествувал во немирите и тврдеа дека Белоус нема овластување да го дисквалификува да биде кандидат.
Тие тврдеа во поднесувањето на судот дека одлуката за забрана е резултат на несоодветен процес извалкан со пристрасност.
Од друга страна, Шана Белоус по поднесувањето на жалбата рече дека има целосна доверба во сопствената одлука и владеењето на правото.
Активистите и некои противници на Трамп повикаа на негово дисквалификување од првичните гласачки ливчиња во на нивните држави во согласност со Дел 3 од 14-тиот амандман.
Судските поднесоци тврдат дека поранешниот американски претседател ги поттикнал поддржувачите на насилство со ширење на лажни тврдења дека изборите во 2020 година биле наместени.
После тоа ги повика да го спречат Конгресот да го потврди победникот на изборите – демократот Џо Бајден.
Врховниот суд на САД се очекува наскоро да размисли за ова прашање – бидејќи највисокиот суд во Колорадо му забрани на Трамп да се кандидира за претседател во таа држава.
Одлуката на Врховниот суд може да биде водич за другите држави да донесат одлуки за можното учество на Трамп на изборите.
Судовите во неколку американски држави отфрлија слични дејствија против Доналд Трамп.
Изборите за претседателски кандидати низ американските држави почнуваат на 15 јануари.
Покрај Трамп, републикански кандидати се и гувернерот на Флорида Рон Десантис, поранешната гувернерка на Јужна Каролина Ники Хејли, претприемачот Вивек Рамасвами, поранешниот гувернер на Њу Џерси Крис Кристи и поранешниот гувернер на Арканзас Ејс Хачинсон.